|
دوای تۆ ... شیعر
 دوای تۆ
ئهحمهد خوسرهوی
18.03.2009
1
دوای تۆ ئیدی مهلی دڵم له قهفهسی تهنگی سێنگما بهند دهکهم و لێ ناگهڕێم سهر چڵی هیچ درهختێك بکاته هێلانه بۆ خۆی
2
دوای تۆ ئیدی پاپۆڕی لهنگهر گرتووی کهنار دهریای کامهرانیم به دهم شهپۆلی خهمهوه سهرگهردانه
درێژهی بابهت... چەند هەناسەی شیعری ... شیعر
چهند ههناسهی شیعری
گهلاوێژ حهمه قادر ************ بڕیار
ئیتر نابم بهو بارانهی خهمی ڕووی تۆ بشۆمهوه، ههرگیز نات کهم به ئاوێنه و خۆم له تۆدا ببینمهوه! بێوهفا بووی وهکو پاییز له پڕ هاتی.............. درێژهی بابهت... بۆ تۆ 12 ... شیعر
بۆ تۆ 12
ئهحمهد خوسرهوی 2009-01-27 ( 1 ) دوا ئس ئم ئست له لامه که فهرمووته ( مانای ئهوینم نهزانی تۆ ئهو وانهیهت فێر کردم، ئێستاکه من دڵێکم ههس پڕ له ئهوین پێشکهش بێ پێت. ). ( 2 ) دهمێکه دهنگت نابیسم، نه ئس ئم ئسێك دهنێری بۆم، نه لێم دهپرسی ههواڵێ.. زۆر دهترسم پهڕی گوڵی ئهو بهڵێنهی که پێت دابووم، فڕهت دابوو بێته ژێر پێت... ( 3 ) له یهزدان دهپاڕێمهوه ئهو گریمانهم درۆ بێت، ئاخر کچێ..! بۆ خاتری ئهو جوانییهت که هیچ شتێ وێنهی له وێنهی ئهو ناچێ...! دهپێم ناڵێی گهر بێ ڕهحمی وا بنوێنی ئهبێ چۆن بێ حاڵی دڵی منێکی بۆ تۆی ڤینوس شهیدا و شێت...؟ سروودی کۆمار ... شیعر
سروودی ڕێبهندان...!
عارف عهزیزی_ سوئێد هاتهوه دووی ڕێبـــــهندان مانگـــی پـــڕ له شانــــازی ڕۆژی یهکـهم کۆمــــــار و یــــادی پێشـــــــــهوا قــــــازی ده ههستن ئهی کوردینــه ، با بچینــــــه پێشــــــوازی پهیمان دووپات کهینــهوه ، بـۆ کۆمـــار و بــــۆ قــــازی ڕێبهندان به تۆ قهســــهم ، ........... دڵ ... شیعر
شەهید دیسان زامدار دەکرێ ... شیعر
شههید دیسان زامدار دهکرێ
ئهحمهد خوسرهوی_سوئد 2009-01-09 نیوهڕۆیهکی بههاری بیست ساڵ پێشێ. له کوردستان، به ههزاران گڵای کهسکی درهختێکی باڵابهرزی ئاشق به ژیان... به ههناسهی ناخ گهنیوی پۆلێ زوحاك زهرد ههڵگهران.... لهو وهتهوه ههتا ئێستا داری ئاشق بۆ مهرگی گڵا هاوار دهکا و دهناڵێنێ...! بهڵام ئهفسوس نه کهس هاواری دهبیسێ.. نه پهڕهی دڵێ شهونمی سۆز تهڕی دهکا و بۆ چرکهیهك دهیلاوێنێ... *********** ئهی درهخته ئاشقهکهی بۆ مهرگی ههزاران گڵات ئێستاش ڕۆندك له چاوان قهتیس ماو .، تۆ و مهرگی گڵای کهسکی تۆ بوون به ناسنامه بۆ باخێك .. کهچی له بهختی ڕهشی تۆ باخهوانهکهت گهندهڵه.. تهنیا بۆ پڕکردنی گیرفانی خۆ دێ به زاریا باسی تۆ.... گهر نا بۆچی ئهوهی جهستهی تۆی زامدار کرد.. به ههزاران گڵای کهسکی له ئامێزتا به ههناسهی گهنیوی خۆ به مهرگ قڕ کرد. بێ پرسی تۆ دهرکی قهفهسی لێ کردهوه و بهرهڵای کرد.... ****** پاش بیست بههار، جهستهت دیسان له بهری کرد تارای ئازار. دهزانم که ئهمێستاکه لهوان زیاتر له باخهوانت بێزاری.. چوون ئهمجاره به تیری باخهوانه کوڵکنهکهی خۆته زامداری.... بۆ تۆ 11 ... شیعر
بۆ تۆ ( 11 )
ئهحمهد خوسرهوی 2009-01-01 *********** گوڵی بۆن به باخچهدا پهرش و بڵاو.. باوهشێك پڕ له خۆشهویستی و چهپکێك سڵاو... لێم دهپرسی بۆ گشت جارێ وهخت و ناوهخت به ( ئس ئم ئس ) خۆم دهکهم به گیرفانتا و مۆبایلهکهت دێنمه هاوار.. دهڵێم گوڵم ترپهی دڵم.. چوون بڕوا که لهو ڕۆژهوهی تۆم بینیوه، جوانیت من و خۆم و دڵ و ههست و بیر و هۆش و خهیاڵمی ههر ههموو داگیر کردووه.. لهو ساتهوه تیری نیگات بهر ڕوخساری من کهوتووه من تا ئێستا به گڕ و بیری یادی تۆ وه وهكوو مۆمێك دهسووتێم و به سهر باڵای خۆم دا دڵۆپ دڵۆپ دهتوێمهوه... ****** شۆخ و شهنگم.. ئێستا دهزانی بۆچی من ههموو جارێك به ( ئس ئم ئس ) مۆبایلهکهت دێنمه هاوار...! تا به مهسێجێک له تۆ وه بۆ چرکهیهك ئارام بگرێ دڵی منی بۆ تۆ زامدار....! چەند هەناسەی شیعری خاتوو گهلاوێژ حهمه قادر ... شیعر
بهڕێز گهلاوێژ حهمه قادر چهند ههناسهیهکی شیعری خۆی کرده دیاری وێبلاگهکهم .له درێژهی بابهتدا دهتوانن شیعرهکان بخوێننهوه.. درێژهی بابهت... ڕۆژ ژمێر ... شیعر
نامهیهك بۆ ئاوارهیهکی ،،،،،، ... شیعر
نامهیهك بۆ ئاوارهیهکی فهلهستینی
ئهحمهد خوسرهوی 31.08.2002 شاری ڕوتبه _ عێراق
تۆش ههر وهک من لێقهوماوی, وهك من له خاک دهرکراوی, وهك من زێد داگیر کراوی, وهك من ماف پێشێل کراوی, من مێزهر به سهری عابا له شان ... ڕهتاندوومی له نیشتمان،،! تۆش زایۆنی به قهوڵی ئێوه بێ ئیمان...! بهڵام لێره پرسیارێ! من هیچ که کهسم شك نهبرد هانا و هاوارمی بۆ بهرم. تۆ چی ؟ خۆ تۆ عهرهب ههموو به دروشم و ناو براتن..! ئیدی بۆچی ئهو کاتهی وا ماڵیان به سهردا ڕووخاندی و له خاکی خۆت دهریانکردی به هاناتهوه نههاتن...! سۆزێك بۆ ئیلام ... شیعر
... شیعر
بگهڕێـوه
خۆشم ئەوێن ... شیعر
خۆشم ئهوێن 
ئهم هۆنراوهیه ساڵی 2002 بۆ منداڵه بێناز و بێبهشهکانی کورد له ئوردوگای ڕومادی نووسراوه، ئیستاش بهوان له ههر کوێیهك ههن ، پێشکهشه
خۆشم ئهوێن چوونکه ئێوه ئهی پهپووله بێنازهکان ئهی پهپووله وێڵهکانی دوای ڕووناکی
پارچهیهکن له جهرگی من.. خۆشم ئهوێن ئهی جوانکیله چاو جوانهکان ئهی گوڵاڵه ڕووگهشهکان خۆشم ئهوێن ئهی ئهوانهی وا خۆشهویستیتان له دڵی کهیل له خهمی منی شاعیری وهك خۆتان نامۆ دا دهریایهکه مهنگ و بێ بن... ئاوازێکه وهکوو مۆسیقای بێتهۆڤن...
ئهی ئهستێرهکانی ههواری غوربهت و ئهنگوسته جاو ئهی بێ دایکانی له داوێنی زڕ دایکی غوربهتا ژیاو ئهی منداڵانی دهرگای هیوا و ئارهزوو و حهز لێ داخراو خۆشم ئهوێن ئهتانبینم که له باتی شاری یاری به پێخاوسی له سهر زبڵدانهکانی ئۆردوگا ههڵبهز دابهزتانه دهگریم بۆتان... که ئهتانبینم باتی جانتای قوتابخانه کارتۆنی پڕ له وردهواڵهتان له شانه ئاخ..... که نازانم بهرۆکی کێ ڕاتهکێنم بۆ بێبهشی و نامۆییتان... ئهی فریشته له بهههشتی ژین دهرکراوهکان ئهی بولبوله له قهفهسی نامۆیی دیل کراوهکان خۆشم ئهوێن تا ئهو پهڕی خۆشهویستی ئهی ههموو خۆشهویستانم..... درێژهی بابهت... تاوان ... شیعر
تــــاوان ئهم شیعره ڕێكهوتی 5.2.2004 چوار ڕۆژ پاش تهقینهوهكهی یهكی شوبات، له ئۆردوگای(ئهلكهرامه)لهنێوان سنووری عێراق-ئۆردهن نووسراوه.......
ووتم ئۆخهی ئهمجارهیان جـێــــژنی دوو جێـژنهیه بۆمان یهكهمیان نهمانی بهعسوئهوی دییان جـــــــێژنیقوربان ووتم خوایه شوكر بۆ تۆ واكهوتهگۆ ڕدێوهزمــــــهی بهعس خۆری ئــازادی هــهڵاتــووه لـه ئاسمانی كـوردستــــــــــــان نهمزانی كه شایی جێــــــــژن بۆمهی كورد دهبـێ به ڕۆ ڕۆ مهلی بزهی باخچهی لێومان دهخنــــــــكێنێ دهستی تاوان نهمزانی كه ههوری ماتهم ئاســمانی كورد دادهپۆشــــــــێ كوردكۆستێكیكهی دهكهوێ گهورهتر لهكۆستیجـــــــــــاران دوژمن،دوژمنی داخ لهدڵ ووتیجێــــژن و كورد بێ خـهم بێ شتی وا نهبـووهو ناشبێ..شتــــــــــی وا مهگهر له خهونــان دهستی ڕهشی ڕاكێـشا بۆ گهردنیدایكی زولفخهنهییــــــــم ملوانكهی شادی پچراند و جهرگی كرد بهكانگای گڕكــــــان زامـی جـهستهی برینداری منــــــــی نامـۆی ئـــهم دهڤهرهش هاتۆته سۆ ئهمڕۆ ههمـوو بـۆ شــههیـــدانی كوردســتــــــــان منیشوهكوو (بێكهس) دهڵێــم گهر ڕۆژێ دهرچــین له زیلهت
ئـهو ڕۆژهیـه جێـژنی ئێمه نهك پڵاو یان جـێـژنی قـوربــــان هاوەڵ ... شیعر
هــاوهڵ
ئهی گلێنهی چاوهکهم، ترپهی دڵ و کزهی جهرگ و سۆزی گهرمی ههناوهکهم.. وا نهزانی که من ئێستا لهم دهڤهره تاک و تهنیام..! یان بۆ کهسێک که له گهڵما بێته دووان شێت و شهیدام..! نا..وا نییه..، مه لێره ئێستا سێ کهسین.. منم و خهم و تهنیایی..! مه لێره ئێستا سێ کهسین سێ کهسی ئاشنا نهبوو به پاساپۆرتی جودایی...! بۆ تۆ 10 ... شیعر
بۆ تۆ 10 2008-10-19 چارهکێكی بۆ سێ ماوه.... جگه من و باوهشێ یادی تۆ نهبێ، ئهرێ کچێ ده پێم ناڵێی ئهم وهخته کێ بێدار ماوه.....؟ بۆ تۆ 9 ... شیعر
بۆ تۆ 9
2008-10-19 وهك هیچ کهس نا، وهك خۆم... به قهد هیچ نا ، به قهد جوانیت.. خ ۆ ش م ئ ه و ێ ی بۆ تۆ 8 ... شیعر
بۆ تۆ 8
2008-10-17 لهو وهتهی گهردوون دهسووڕێڕهوتی ژیان وا بووه و وایه ئهگهر خاکێك داگیر بکرێ...! خاوهن خاك تا دوا ههناسه له گهڵ داگیرکهر به شهڕ دێ تا خاك دیسان ئازاد دهکرێ...! بهڵام گوڵم تهمهنێکه سوپای ئهشقت خاکی دڵمی زهوت کردووه کهچی من نه شهڕێکم پێ دهکرێ... نه حهز دهکهم خاکیش دیسان ئازاد بکرێ...! بۆ تۆ 7 ... شیعر
بۆ تۆ 7
2008-10-16 تهنیا جارێك به کهنار دهریا دا تێپهڕیت.، عومرێکه شهپۆلهکانی بۆ ڕامووسینی جێ پێکانت دێن و دهڕۆن... ********* له فارسییهوه بۆ کوردی
بۆ تۆ 6 ... شیعر
بۆ تۆ 6
2008-10-14 چوون شهیدای تۆم.... " أناالعاشق " دهکهمه بانگ منیش بۆ خۆم... وهك " أنا الحق " ه کهی ههلاج...! ئااااااااااااای چ شیرینه گیاندانی ژێر سێدارهیه بۆ ئهو بانگه بۆم بێته باج...! |
له یهکێك له ئاوایییهکانی دهورووبهری شاری سلێمانی له باشووری کوردستان یهشتا نازانم ڕۆژی چهنهمی کامه مانگی ساڵی 1981 ی زایینی دهبێت که نۆبهرهی هاوسهری دووهمی پیاوێکی ڕهنج دیتوو و مهینهت چێشتووی سهلاسی باوهجانی سهر به پارێزگای کرماشانی لانکهی ئهشق و تاقهوسان و مێژوو و بێستوون،که خۆی ساڵ و شتێك پێشتر به هۆی شهڕی ماڵ وێرانکهری نێوان دوو ڕژیمی تینوو به خوێنی کورد واته بهعسی بهغدا و ئاخوندی قوم ناچار دهبێ زێد و حاڵ و ماڵی باب و باپیری جێ بهێڵێ و پهڕیوهی ئهم دێو سنووری درێژه لاپهڕهکان
|
2008-11-10
خۆشم ئهوێن
